Басты бет Жаңалықтар Алматыға 101 жаңа автобус сатып алынды

Алматыға 101 жаңа автобус сатып алынды

Алматы әкімі Ерболат Досаев Медеу ауданы тұрғындарымен кездесу барысында қоғамдық көліктерді жаңарту жұмыстары туралы айтты.

Фото: Бақдәулет Әбдуалы/Baribar.kz

Қалада 9 маршрутты жаңарту үшін 101 жаңа автобус сатып алынды. Қазіргі таңда 4 маршруттың автобустары жаңартылды. Атап айтар болсам, №69 – 18 автобус, №201 – 24 автобус, №12 – 16 автобус, №71 – 10 автобус. Сонымен қатар жыл соңына дейін тағы 5 маршруттың автобустары жаңартылады. Олар №5, 5а, 5б, 5в – 8 автобус және №205 – 25 автобус, — деді Алматы әкімі.

Бұдан бөлек, биыл қосымша 100 маршрут іске қосылып, желіге 34 автобус шығарылды. Келесі жылы Қалдаяқов көшесінен «Геолог» бау-бақша серіктестігіне дейін 1 жаңа маршрут қатынай бастайды.

Айта кетейік, бұған дейін Ерболат Досаев Түрксіб ауданы тұрғындарымен кездесуде қоғамдық көліктер жаңартылып жатқанын, алдағы уақытта 300 автобус сатып алынатынын айтқан болатын.

Exit mobile version