Өзбекстан Республикасының президенті Шавкат Мирзиеев 27 қазанда «Орталық Азия – Еуропалық Одақ» форматындағы мемлекет басшыларының бірінші кездесуіне қатысу үшін жұмыс сапарымен Астанаға аттанды. Іс-шараға ел басшылары мен Еуропалық кеңесінің президенті Чарльз Мишель қатысады, — делінген хабарламада.
Саммитте саяси диалогты дамыту перспективалары, өңіраралық ынтымақтастықты кеңейту, сауда-экономикалық ынтымақтастық пен мәдени-гуманитарлық алмасуларды жандандыру мәселелері талқыланатыны атап өтілді.