Басты бет Жаңалықтар Шығыс Қазақстандағы өрт 700 гектарға жайылды

Шығыс Қазақстандағы өрт 700 гектарға жайылды

Шығыс Қазақстан облысы Алтай ауданында 700 гектарға жайылған дала өртінің беті қайтпай жатыр. Бұл туралы облыстық төтенше жағдайлар департаменті баспасөз қызметі хабарлады.

Фото: ШҚО төтенше жағдайлар департаменті

Баспасөз қызметінің мәліметінше, 2 қыркүйек күні түскі уақытта Алтай ауданында ашық алаңда өрт шықты.

Қазіргі уақытта «Зырян» орман шаруашылығы және «Быков» орманшылығына жайылған қызыл жалынның жалпы ауданы 700 гектарға жетіп отыр.

Тілсіз жау таулы аймақта бұта мен шөпті шарпып жатыр. Сол жерде құтқарушылар, жергілікті атқарушы орган өкілдері, орманшылар, «Қазавиаорманқорғау» мекемесінің қызметкерлері дамылсыз жұмыс істеуде. Елді мекендерге төніп тұрғын қауіп жоқ. Өртті сөндіруге барлығы 320-дан астам адам мен 25 техника жұмылдырылды, — делінген ақпаратта.

Exit mobile version