Басты бет Қоғам 16 тамызда Балташ Тұрсымбаевпен қоштасу рәсімі өтеді

16 тамызда Балташ Тұрсымбаевпен қоштасу рәсімі өтеді

Ертең, 16 тамызда мемлекет және қоғам қайраткері Балташ Тұрсымбаевпен қоштасу рәсімі өтеді. Бұл туралы "Дат" газетінің жетекшісі Ермұрат Бапи хабарлады.

Балташ Тұрсымбаев. Фото: Азаттық

Мемлекет және қоғам қайраткері Балташ Тұрсымбаевпен қоштасу рәсімі 16 тамыз күні сағат 10.00-де «Ғылым ордасында» (Ғылым академиясының ғимараты, Құрманғазы көшесі, 29 Уәлиханов көшесінің қиылысы) өтеді. Жаназалық асы сағат 13.00-де «Жалын» мейрамханасында (Достық даңғылы, 304) беріледі. Қонақасы ертең — 15 тамызда сағат 19.00-де сол мейрамханада өтеді, — деп жазды Ермұрат Бапи Facebook-тегі парақшасында.

Еске салайық, кеше, 14 тамызда мемлекет және қоғам қайраткері Балташ Тұрсымбаев 76 жасқа қараған шағында жүрек талмасы ұстап, кенеттен қайтыс болды.

Президент Қасым-Жомарт Тоқаев Балташ Тұрсымбаевтың отбасы мен жақын туыстарына көңіл айту жеделхатын жолдады.

Exit mobile version