Басты бет Жаңалықтар Ақтөбе — Мәскеу рейсі шілдеде ашылады

Ақтөбе — Мәскеу рейсі шілдеде ашылады

Red Wings әуекомпаниясы шілдеде Мәскеуден Ақтөбеге ұшуды бастайды. Бұл туралы тасымалдаушының сайты хабарлады.

Фото: Kds.mid.gov.kz

Red Wings мәліметінше, бұл бағытта сыйымдылығы 100 орындық ресейлік SSJ 100 лайнерлері іске қосылады. Рейстер Жуковский халықаралық әуежайынан (Мәскеуден оңтүстік-шығысқа қарай 20 шақырым) орындалады.

Мәскеу — Ақтөбе рейстері 29 шілдеде басталып, жұма күндері, ал Ақтөбе — Мәскеу рейстері 30 шілдеден сенбі күндері орындалады.

Айта кетейік, Ақтөбе Red Wings Мәскеуден ұшатын Қазақстанның төртінші қаласы болады. Сәуірден бастап әуекомпания Жуковскийден Алматы мен Нұр-Сұлтан қалаларына, шілдедің басынан бастап Ақтауға рейстер орындайды.

Exit mobile version