Басты бет Жаңалықтар Тоқаев Түркияның ұлттық кітапханасына бірнеше кітап сыйлады

Тоқаев Түркияның ұлттық кітапханасына бірнеше кітап сыйлады

Мемлекет басшысы Қасым-Жомарт Тоқаев Түркияның ұлттық кітапханасына бірнеше кітап сыйлады. Бұл туралы Ақорданың баспасөз қызметі хабарлады.

Фото: Akorda.kz

Президентке ең алдымен ескі қолжазбалар мен сирек кездесетін кітаптар бөлімі таныстырылды. Бұл бөлімде құнды зерттеулер мен құжаттарды қамтитын ғылыми кітаптар сақталған.

Бұдан кейін Қазақстан президентіне Жиханнума залы (Cihannuma Hall) көрсетілді. Бұл жерде 100-ден астам елден әкелінген және 134 тілде жазылған шығармалар оқырман назарына ұсынылады. Сонымен қатар мұнда тарихта болған 16 түркі мемлекетіне арнап жазылған еңбектер бар.

Тоқаев, Түркия
Фото: Akorda.kz

Мемлекет басшысы көне түркі мемлекеттері заманын, Алтын орда және Тәуелсіздік кезеңдерін қамтитын бірнеше кітапты кітапхана қорына сыйға тартты.

Exit mobile version