Басты бет Жаңалықтар Министр: Маңғыстау облысындағы қоқиқаздардың неден өлгені белгісіз

Министр: Маңғыстау облысындағы қоқиқаздардың неден өлгені белгісіз

Экология, геология және табиғи ресурстар министрі Серікқали Брекешев Маңғыстау облысындағы қоқиқаздардың неден өлгенін анықтау үшін инспекторларды жібергенін айтты.

Видео скрині

Қоқиқаздарға келсек, кеше әлеуметтік желіде шынымен бес қоқиқаздың өліп жатқаны туралы видео жариялаған еді. Біздің облыстық аумақтық инспекция мамандары ол жігітпен байланысқа шықты. Видео он күн бұрын түсірілген екен, — деді Серікқали Брекешев үкімет отырысынан кейін өткен брифингіде.

Оның айтуынша, оқиға орнына арнайы инспекторлар жіберілді.

Біз жіберген инспекторлар видео түсірілген орынға барып, сынамалар алады. Сол талдаулардың негізінде құстардың неден өлгені анықталады, — деді ведомство басшысы.

Еске салайық, желіде Маңғыстау облысында өлген қоқиқаздардың видеосы тараған болатын.

Exit mobile version