Ескерткіш Жамбыл атындағы қазақ мемлекеттік филармониясы ғимаратының алдына орнатылды. Роза Бағланова бұл филармонияда 1949-1960 жылдар аралығында еңбек етіп, өнер көрсеткен.
Ескерткіштің биіктігі — 4,8 метр. Қола және граниттен жасалған ескерткіштің авторлары – мүсіншілер Д.Ағзамов, У.Ақжолтай, А.Жамхан, А.Қабыл.
Ескірткіштің ашылу рәсіміне әншінің туғандары мен жақындары – ұлы Тәжен мен келіні Марал Бағлановтар мен елімізге белгілі өнер адамдары қатысты.
Бүгін сонымен бірге Алматыда Роза Бағланованың 100 жылдығына орай Республика сарайында «Ақмаңдайлым» атты мерекелік концерт өтті. Аты аңызға айналған әншінің репертуарындағы әндерді Қазақстанның белгілі артистері орындады.