Бағдарлама бойынша, 10 миллион теңгеге дейін несие қарастырылған. Ал көлігіңіз қымбат болса, 10 миллионнан астам — 1-2 миллионды өз қалтаңыздан төлейсіз. Өте қымбат көліктерге жеңілдетілген автонесие қарастырылған жоқ, — деді Марат Қарабаев орталық коммуникациялар қызметінде өткен брифингте.
Ол әлеуметтік желілерде жеңілдетілген автокөлік несиелері тек белгілі бір үлгілерге ғана беріледі деген хабарламаларды көргенін айтты. Оның айтуынша, бұл жалған ақпарат.
Көлік несиесі барлық модельдерге беріледі. Бірақ ең қымбат үлгілері де бар. Мысалы, Hyundai Palisade сияқты. Мұндай көліктерге жеңілдікпен несие берілмейді. Бай адамдар өздерінің 25 миллион теңгесіне сатып алсын, — деді Марат Қарабаев.