1. Партияның төрағасын сайлау туралы;
2. Жарғыға өзгерістер мен толықтырулар енгізу туралы;
3. Саяси кеңес құрамына өзгерістер енгізу туралы.
1. Партияның төрағасын сайлау туралы
Партияның кезектен тыс XXI съезінің шешімімен елдің тұңғыш президенті – Елбасы Нұрсұлтан Әбішұлы Назарбаевтың ұсынысы бойынша Қазақстан Республикасының президенті Қасым-Жомарт Кемелұлы Тоқаев бірауыздан Nur Otan партиясының төрағасы болып сайланды.
2. Жарғыға өзгерістер енгізу туралы
Осы уақытқа дейін партиялық жарна жалақының ең төменгі мөлшеріне байланыстырылып, ең төменгі жалақының 0,7%-ін немесе жылына 3 570 теңге болғаны белгілі.
Мемлекет басшысының шешімі бойынша осы жылдың қаңтарынан бастап барлық мемлекеттік төлемді ең төменгі жалақыға байланыстыру алынып тасталды.
Партия жарғы бойынша партиялық жарнаның мөлшерін бекіту съездің айрықша құзыретіне жататындықтан, бүгін делегаттар партиялық жарнаны айлық есептік көрсеткішке байланыстыра отырып есептеу туралы шешім қабылдады. Бұл — айлық есептік көрсеткіштің 0,1-і, яғни жылына 3 676 теңге.
Съездің 389 делегатының 389-ы жарғыға өзгерістер енгізуге дауыс берді.
3. Партияның Саяси кеңесінің құрамына өзгерістер енгізу туралы
389 делегаттың 389-ы саяси кеңес құрамының өзгерістеріне дауыс берді.
Оған партия мүшелерінің санына пропорционал түрде барлық өңірдің өкілдері енді.
Жалпы, партияның жоғары өкілді органы 55%-ке жаңарды.
Әйелдердің үлесі 33,7%-ке дейін өсті. 35 жасқа дейінгі жастардың үлесі 6 есеге, 13% артты. Орташа жас мөлшері 4 жылға төмендеп, 47 жас болды. Мемлекеттік қызметшілер саны үштен бірге қысқарды.
Саяси кеңестің құрамында азаматтық сектордың өкілдері айтарлықтай артты.
Білім беру саласының өкілдері 2 есеге (10%) артты. ҮЕҰ мен БАҚ үлесі 2 есе көп, 15,2% ұлғайды.
Айта кетейік, 28 қаңтарда Nur Otan партиясының кезектен тыс XXI съезі өтіп, оған еліміздің барлық өңірінен 389 делегат онлайн қатысты.
