Осы жылдың қыркүйек айынан бастап студенттердің стипендиясы тағы да 20% өседі. Мысалы, педагогика мамандарын даярлау бағыты бойынша оқитын студенттер 58 мың теңгеден астам, басқа бағыттар бойынша білім алатындар 37 мың теңгеге жуық шәкіртақы ала бастайды. Магистранттардың шәкіртақысы 86 987 теңгеге дейін, докторанттардың шәкіртақысы 195 000 теңгеге дейін көбейеді, – деді жоғары және жоғары оқу орнынан кейінгі білім департаментінің директоры Әділет Тойбаев.
Еске салайық, былтыр, 2021 жылы қыркүйек айында бакалавриат студенттерінің стипендиясының мөлшері 20%, магистранттар мен докторанттар стипендиясының мөлшері 15% көбейген еді.
Қазір студенттердің стипендиясы — 31 423 теңге, магистранттардікі – 76 950 теңге, докторанттардікі – 172 500 теңге.