Халықаралық нарықта түріктердің жиһазы сапасы жағынан үлкен сұранысқа ие. 2003-2011 жылдар аралығында Түркияның жиһаз өнеркәсібі 292 пайызға өскен. Түркияның Жиһаз ассоциациясы түрік жиһазшылары алдағы 2-3 жылда әлемнің үздік ондығына енуді көздеп отыр. Қазіргі уақытта түрік жиһаздары Ирак, Германия, Иран, Әзірбайжан, Франция, Түркіменстан, Нидерландтар, Ресей, Сауд Аравиясы мен Италияға экспортталады. Ал былтыр MODEKO-2016 жиһаз көрмесіне жалпы саны 32 мемлекеттен сатып алушы қатысқан. Ал биылғы шараға қатысушылар 5 күн бойы измирлік үздік кәсіпорындармен тікелей байланыс орнатуға мүмкіндік алады. Бұл шара осымен 28-рет өткізілейін деп отыр.
Көрмеде классикалық, авангард, модерн және модульдық стильдегі жиһаздың қонақүй, ас үй, балалар мен жасөспірімдер бөлмесі, жатын бөлмеге арналған түрлері ұсынылады. Жұмсақ жиһазбен қатар орындық, үстел, шкафтың да түр-түрі сатып алушылардың көңілінен шығары анық.
Шараның басты демеушілері: Түркия Республикасы экономика министрлігі, Измир әкімдігі, Еге аймақтық кәсіпкерлер палатасы, Измир Сауда палатасы т.б.
Измир – Түркияның батысында, Измир шығанағының жағалауындағы қала. Стамбұлдан кейінгі аса маңызды порт та осы қалада орналасқан. 8500 жылдық тарихы бар әсем қаланың туризм саласы да қарқынды дамыған. Табиғаты тамаша Измирде тарихи мұраға арналған мекендер көп. Шипалы термалды су, ыстық бұлақтар, жағажайлар, өзіндік асханасымен ерекшеленетін қалада халықаралық деңгейдегі көрме, фестиваль, жәрмеңкелер жиі өткізіледі.