Кейбір зардап шеккендер дәрігерлердің сұрақтарын түсінбеген және мемлекеттік, орыс тілдерінде жауап бермеген және көмек алғаннан кейін медициналық ұйымдардан рұқсатсыз кетіп, тіпті, белгісіз қарулы адамдардың сүйемелдеуімен реанимациядан шыққан жағдайлар болды, — деді Денсаулық сақтау министрлігінің өкілі.
Жаппай тәртіпсіздік кезінде денсаулық сақтаудың 20 объектісіне шабуыл жасалған, (5 аурухана, 1 емхана және 14 дәріхана) барлығы Алматыда орналасқан.
7 медицина қызметкері зардап шекті. Оның бесеуі Алматыда, біреуі Шымкентте және біреу Алматы облысында.
45 жедел медициналық жәрдем автокөлігі зақымданды: Алматыда 31, Шымкентте 7, Алматы облысында 5, Жамбыл облысында 2, оның ішінде 4 автомобиль жөндеуге келмейді.
Алматының үш медициналық клиникасы (1, 7, 12) шамамен үш тәулік бойы қоршауда болды, қызметкерлердің бұл кезеңде ауысымсыз, бірнеше тәулік бойы жұмыс істеді. Науқастарға азық-түлік жеткізілмеді, дәрігерлер пациенттерге тамақ дайындады.