Басты бет Жаңалықтар Алматы облысында жол апатынан екі адам қайтыс болды

Алматы облысында жол апатынан екі адам қайтыс болды

Алматы облысында жол апаты салдарынан 47 жастағы алматылық және тоғыз айлық сәби қайтыс болды. Бұл туралы Polisia.kz хабарлады.

Иллюстрация: Den-der.kz

Оқиға 16 желтоқсанда сағат 14:00 шамасында Жамбыл ауданы Жаңақұрылыс ауылының батыс бағытында 58 километрде Алматы-Бішкек тасжолында болған. Еңбекшіқазақ ауданы Қайназар ауылының 26 жастағы тұрғыны Chevrolet Cruze автокөлігі тізгінінде ВАЗ-21063 автокөлігімен соқтығысқан.

Апат салдарынан Chevrolet Cruze автокөлігінің жүргізушісі мен жолаушысы Алматының 21 және 30 жастағы тұрғыны 9 айлық баласымен ауруханаға жеткізілді. Ал 47 жастағы тұрғын оқиға орнында қаза болды. Бала алған жарақатынан емдеу мекемесінде екі сағаттан кейін қайтыс болды. ВАЗ-21063 автокөлігінің жүргізушісі мен оның жолаушысы Сарыбастау ауылының 59 жастағы тұрғыны түрлі жарақатпен ауруханаға жеткізілді, — делінген хабарламада.

  • Дерек қылмыстық кодекстің 345-бабы 4-бөлігі («Автомобильді басқаратын адамның екі адамның өліміне әкеп соққан жол жүрісі қағидаларын бұзуы») бойынша СДТБТ-де тіркелді. Chevrolet Cruze автокөлігінің жүргізушісі қамауға алынды.

Exit mobile version