Басты бет Медицина Елімізде қанша бала коронавирусқа қарсы вакцина салғызды?

Елімізде қанша бала коронавирусқа қарсы вакцина салғызды?

Денсаулық сақтау министрі Алексей Цой Үкімет отырысында Pfizer вакцинасын қанша адам салдырғанын мәлімдеді.

Фото: Алматы облысы әкімдігінің баспасөз қызметі

Министр Қазақстанға Comirnaty (Pfizer) вакцинасының 645 мың дозасы келгенін айтты.

Бүгінде вакцина алатын топтағы 35 012 адамға екпе егілді. Оның 26 354-і бала, 8 658-і жүкті және бала емізетін әйелдер, — деді Алексей Цой Үкімет отырысында.

Ведомство басшысының айтуынша, вакцина апта сайын жеткізіледі.

Ол сонымен бірге халықты коронавирусқа қарсы вакциналау науқаны жалғасып жатқанын да айтты.

Қазіргі таңда 1-компонентті 8,7 миллионға жуық адам алса, екінші компонент 7,9 миллионнан астам адамға салынған. Жалпы халық санының 42,2%-і вакцинаның екі дозасын салғызды, — деді министр.

Exit mobile version