Сәдуақас Байғабыловтың айтуынша, Ashyq-тағы мәртебесі бейтарап «көк» адамдарға жұмыс күндері сауда орталығына кіруге тыйым салу жоспарланбайды. Ол тек демалыс күндері сақталады.
Демалыс күндері «жасыл» статусы барларға ғана нысандарға кіруге рұқсат етіледі, ал жұмыс күндері «көк» және «жасыл» статусы барларға рұқсат беріледі, − деді Сәдуақас Байғабылов.
Айта кетейік, 4 қарашада Алматы кәсіпкерлер палатасы директорының орынбасары Салтанат Лесбаева COVID-19 таралуына жол бермеу жөніндегі ведомствоаралық комиссия осы мәселені талқылап жатқанын айтқан болатын. Сауда орталығына жұмыс күндері тек Ashyq жүйесінде «жасыл» статусы барларға, яғни екпе алғандарға ғана кіруге рұқсат беру ұсынылған.