Президент Ауғанстан босқындары туралы шешім қабылдаған жоқ. Бұған қатысты тараған ақпарат негізсіз. Дүниежүзілік ұйым басшылығы ресми өтініш білдірген жағдайда БҰҰ қызметкерлеріне ғана көмек көрсетіледі, — деп жазды Берік Уәли.
WhatsApp мессенджерінде Қазақстанға Ауғанстанның 70 мың азаматы келеді деген қауесет тарады. Сыртқы істер министрлігі бұл ақпаратты жоққа шығарды.
Бүгін тараған ақпарат шындыққа жанаспайды, – деп хабарлады ведомствоның баспасөз қызметі.
Еске салайық, бүгін, 16 тамызда Қасым-Жомарт Тоқаев Ауғанстандағы ахуалға байланысты екінші рет жиын өткізді. Президент құзырлы мекемелерге Ауғанстандағы жағдайды жан-жақты бақылауда ұстауды тапсырды. Бұл осы елмен бұдан былайғы ынтымақтастық бойынша шешім қабылдау үшін аса маңызды.