Алматы білім басқармасы басшысының орынбасары Қайрат Жұманов онлайн форматта линейкалар өткізу ұсынылғанын, алайда соңғы қоңырау салтанатын өткізуге тыйым салынбағанын хабарлады.
Қайрат Жұмановтың сөзінше, биыл «бір сынып-бір линейка» қағидаты бойынша соңғы қоңырау 9 және 11-кластарда өткізу ұсынылды. Сонымен бірге мектеп іс-шаралары барлық санитария-эпидемиология нормасын ескеріп, ұйымдастырылады.
Айта кетейік, Алматыда биыл 11-класты 11 337 оқушы бітіреді. Оның 647-і — «Алтын белгіге» үміткер. Бітіру кештерін 12-14 маусым аралығында өткізу жоспарланып отыр.
Қайрат Жұманов сонымен бірге аттестаттарды дәстүрлі тапсыру күндізгі уақытта мектеп аумағында өтетінін нақтылады.