Бұл туралы Алматы облыстық полиция департаментінің баспасөз қызметі хабарлады.
23 сәуірде шамамен сағат 10.00-де Қарасай аудандық полиция басқармасының кезекші бөліміне Aport сауда және ойын-сауық орталығының аумағында жарылғыш зат қойылғаны туралы ақпарат түсті. Қазір барлық шұғыл қызмет тексеру және іздестіру шараларын жүргізіп жатыр. Аумақ қоршалып, орталықтың қызметкерлері мен келушілері қауіпсіз жерге көшірілді, — делінген хабарламада.
Сонымен бірге Алматы қалалық полициясы әл-Фараби даңғылындағы «VILLA Boutiques & Restaurants кешеніне бомба қойылғандығы» туралы хабарламаны тексеріп жатыр.
Бұған дейін, әлеуметтік желіде Алматыдағы «Mart сауда және ойын-сауық орталықтарының бірінде бомба қойылды» деген ақпарат тараған еді. Кейін тексеру аяқталып, нысанда жарылғыш зат табылмағаны хабарланды.