2016 жылдың ең әсерлі суреттері

Ақ үйде сөйлеп жатып 2013 жылы АҚШ-тағы Санди Хук бастауыш мектебіндегі қырғында қайтыс болған балаларды еске алған Барак Обама еріксіз көзіне жас алған еді.

Сириядағы азаматтық соғыс биыл шарықтау шегіне жетті.

Риодағы Олимпиада кезінде бауырлас қос Кореяны бірлікке шақырғандай фотосурет. Суретте екі елдің спортшылары.

Жыл басындағы Брюсселдегі террорлық әрекет. Оны “Ислам мемлекеті” өз мойнына алған еді.

2016 жыл АҚШ президентінің бір ғасырға жуық уақытта алғаш рет Кубаға барғанымен есте қалды. Суретте АҚШ әуе күштері ұшағының Кубаға қонғалы жатқан сәті.

Алепподағы қырғынға қарсы шеруге шыққан түрік студентінің көз жасы.

Шілде айындағы Түркияда болған төңкеріс жасау әрекетінен бір сәт.

Үсейін Болттың кезекті жеңісі. Бұл жолы атлет 100 метр қашықтықты 9,81 секундта жүгіріп өтті.

АҚШ-тың 26 жасар тұрғыны Жаклиннің Зика вирусының кесірінен кінәратпен туған нәрестесі.

АҚШ, Флорида штаты, Орланда қаласы. Пульс түнгі клубында болған жарылыста 49 адам мерт болды.

Еуропа белсенділері Британияның Еуроодақтан шығуына осылайша қарсылық көрсетуде.