Ақорданың баспасөз қызметінің хабарлауынша, әңгімелесу барысында Мемлекет басшысы Тәжікстан президентінің екі ел арасындағы берік достық байланыстарды және стратегиялық әріптестікті дамытуға зор үлес қосқанын айтты.
Қазақстан президенті бауырлас екі халықтың мүддесі жолында күш-жігер біріктіру арқылы көпжақты қазақ-тәжік ынтымақтастығы жаңа белестерге көтерілетініне сенім білдірді.
Тараптар екіжақты күн тәртібіндегі барлық мәселе бойынша бірлескен жұмысты белсенді жалғастыруға дайын екенін растады. Қасым-Жомарт Тоқаев стратегиялық серіктестікті нығайту және қазақ-тәжік қатынастарына тың серпін беру мақсатында Эмомали Рахмонды өзіне ыңғайлы кез келген уақытта Қазақстанға ресми сапармен келуге шақырды.
Тәжікстанның қазіргі президенті Эмомали Рахмон президент сайлауында жеңіске жетті. Тәжікстан Орталық сайлау комиссиясының мәліметінше, Эмомали Рахмон сайлауда 90,92% дауыс жинаған.