Басты бет Қоғам Қасым-Жомарт Тоқаев Тәжікстан президентін туған күнімен құттықтады

Қасым-Жомарт Тоқаев Тәжікстан президентін туған күнімен құттықтады

Мемлекет басшысы Қасым-Жомарт Тоқаев Тәжікстан президенті Эмомали Рахмонды туған күнімен құттықтап, жеделхат жолдады.

Қасым-Жомарт Тоқаев және Эмомали Рахмон. Иллюстрация: Akorda.kz

Ақорданың баспасөз қызметінің хабарлауынша, Қазақстан президенті Эмомали Рахмонға бауырлас Тәжікстан халқының игілігі үшін атқарып келе жатқан жауапты мемлекеттік қызметінде табысқа жетуіне тілектестік білдірді.

Қасым-Жомарт Тоқаев Эмомали Рахмонның екі ел арасындағы дәстүрлі достықты және ынтымақтастықты нығайтуға қосқан үлесін айтты.

Жоғары деңгейдегі белсенді саяси диалог қазақ-тәжік халықтарының стратегиялық серіктестігін одан әрі тереңдетуге септігін тигізе беретініне сенім білдірді.

Айта кетейік, Тәжікстан президенті Эмомали Рахмон 5 қазанда 68 жасқа толды.

Exit mobile version