Токио әуежайында аргентиналық «Ривер Плейт» командасының жанкүйерлері тері басылар-басылмастан Испанияға жолға шыққалы тұрған футболшылардың ар-намысына тиді. Ал жеңіліс тапқан команданың бір жанкүйері жетіп барып, Аргентина тумасы Лионель Мессидің бетіне түкіріп жіберді, деп хабарлайды Marca.
Оқиға әуежайдың төлқұжат бақылауы аймағында тіркелді. Енді болмағанда, шиеленісіп кетуі мүмкін болған жағдайға «Барселонаның» бас бапкері Луис Энрике мен команданың бірнеше ойыншысы араласып, қызуқанды футболшыға басу айтты.
Сүйікті командасының ұтылып қалғанына жаны күйген аргентиналықтар әуежайға «ұр да жық» көңіл-күйде жаппай жиналыпты. Олар бір кездері осы аргентиналық «Ривер Плейтте» өнер көрсетіп, тәрбие алған Мессиді жетістіктері үшін кімге міндетті екендігін ұмытқанын айтып, айқай салды.
Фото:marca.com