Үкіметтің баспасөз қызметінің хабарлауынша, отырыста Денсаулық сақтау министрі Елжан Біртанов өңірлерде қарантинді жеңілдеткеннен кейін коронавирус жұқтырғандар саны көбейгенін айтты.
Премьер-министрдің орынбасары Ералы Тоғжанов Батыс Қазақстан, Қызылорда, Маңғыстау облыстары әкімдіктеріне өңір бойынша санитария-эпидемиология талаптарының орындалуын бақылауды күшейтуді, оның ішінде шектеу шараларын қатайту мүмкіндігін қарастыруды тапсырды.
Өңір әкімдіктері санитария-эпидемиология талаптарының орындалуын қатаң бақылауға тиіс. Талапты орындамаған бизнес субъектілерінің қызметін сол кемшіліктерді жойғанша уақытша тоқтату қажет. Бұл шаралар азаматтарымыздың қауіпсіздігін қамтамасыз ету үшін аса маңызды, — деді Ералы Тоғжанов.
Бұған дейін Алматыда карантин күшеюі мүмкін екені хабарланған еді.