Басты бет Жаңалықтар Таллинде Димаш Құдайбергенге арналған ескерткіш белгі қойылды

Таллинде Димаш Құдайбергенге арналған ескерткіш белгі қойылды

Эстонияда Димаш Құдайбергеннің туған күніне орай ағаш егіліп, оның құрметіне ескерткіш белгі қойылды.

Димаш Құдайберген. Фото: Press-unity.com

Бұл туралы Қазақстанның Эстониядағы елшілігі Facebook-те хабарлады.

24 мамырда Қазақстанның Эстониядағы елшісі Нұрлан Сейтімов Таллиндегі Кадриорг саябағында Димаш Құдайбергенге арналған ескерткіш белгіні салтанатты жағдайда ашып берді. Белгі әншінің құрметіне егілген ағаштың жанына қойылған.

Димашқа арналған ескерткіш
Фото: Карл Альфред Бау/ҚР Эстониядағы елшілігі
Фото: Карл Альфред Бау/ҚР Эстониядағы елшілігі

Акцияны Dimash Estonian Dears фан-клубының мүшелері ұйымдастырған. Олар бір күні өздерінің сүйікті әншісі 300 жыл тарихы бар осы саябақта ән салады деп үміттенеді. Қазір Dimash Estonian Dears фан-клубына 500-ден астам адам мүше.

Димаш Құдайберген 24 мамырда 26-ға толды. Оның фанаттары дүниежүзінің түкпір-түкпірінде бар.

Exit mobile version