Ақпаратты Алматының ардагерлер кеңесі растаған.
18 мамырда 67 жасында Талғат Нұрмағамбетов дүниеден өтті. Ол Алматыдағы өз үйінде қайтыс болды. Талғат Нұрмағамбетов онкология ауруына шалдыққан еді, — делінген ресми хабарламада.
Талғат Нұрмағамбетов 1952 жылы 27 қазанда дүниеге келген. 1975 жылы Томск медицина институтының әскери-медицина факулътетін, 1983 жылы Әскери-медицина академиясын бітірген. Офицерлік қызметін оқу-үйрету взводы командирінен бастаған. Полк медицина қызметінің бастығы болған. Медицина баталъонының командирі, танк құрамасы медицина қызметінің бастығы, армия корпусы медицина қызметінің бастығы, армия медицина қызметінің бастығы қызметтерін атқарған. Қазақстан Республикасы Қорғаныс министрлігі бас медицина басқармасының басшысы лауазымын атқарды. Чернобыль апатының зардаптарын жоюға қатысқан. Сонымен бірге «Красная звезда» орденімен, бірқатар медальмен марапатталған.