Үкіметтің баспасөз қызметінің хабарлауынша, Роман Скляр халыққа Президент Қасым-Жомарт Тоқаевтың сәлемін жеткізді.
Қазақстан Президенті «Мақтаарал ауданының судан зардап шеккен бір де бір тұрғыны көмексіз қалмайды» деді. Сол себепті сіздерден тек түсініктік танытуды сұраймын. Үкімет тарапынан барлық қажет көмек беріледі. Президент Үкіметке Өзбекстандағы суқойма бөгетінің бұзылуы салдарынан су басқан ауылдардың тұрғындарына жан-жақты материалдық көмек беруді тапсырды, — деді Премьер-министрдің орынбасары.
Мақтааралдағы төтенше жағдайға байланысты Үкімет комиссиясы құрылғаны белгілі. Құрамында облыс әкімі, орталық және жергілікті атқарушы орган басшылары бар жұмыс тобы Жаңатұрмыс, Жеңіс, Фирдоуиси, Өргебас, Достық ауылдарында болып, тұрғындармен сөйлесті.
Комиссия тасқыннан келген шығынды шұғыл есептеуге кіріседі. Ең әуелі тұрғын үйлер қалпына келтіріледі.
Өзбекстан инженерия желілерін, көлік және әлеуметтік инфрақұрылымды қалпына келтіруге 50-ге жуық техника жіберді.
https://www.youtube.com/watch?v=AVGXX3CndZI