Видеоны Экология, геология және табиғи ресурстар министрлігі Орман шаруашылығы және жануарлар дүниесі комитетінің баспасөз хатшысы Сәкен Ділдахмет Facebook-те жария етті.
Видеодан топ қарақұйрық арасында шауып бара жатқан аппақ түсті тағыны көруге болады.
Сәкен Ділдахметтің мәліметінше, жайран — Қазақстанның Қызыл кітабына енгізілген жануар, Қазақстандағы қарақұйрық тұқымы мен бөкентұқымдастардың жалғыз түрі. Альбинос қарақұйрық ұзақ өмір сүрмейді, оның себебі түсінде.
Ақ түсті жануар үйірінен жиі шеттетіледі, көбеюге жұп таба алмайды — ұрғашысы терісі қанық түсті текеге ғана үйір келеді, азық табуы да қиын болады, жыртқыштар мен браконьерлердің көзіне де бірден түседі. Олар Күн сәулесіне сезімтал және көру-есту қабілеті нашар болып туады, тері рагына бейім келеді. Жануардың өзге тұқымдастарынан аппақ түсімен ерекшеленуі ген деңгейіндегі мутацияға — тері, жүн мен көз түсіне жауапты меланин пигментінің болмауына байланысты.