Басты бет Қоғам Пандемиямен күрес: Алматы облысында 85 мыңнан аса көлік залалсыздандырылды

Пандемиямен күрес: Алматы облысында 85 мыңнан аса көлік залалсыздандырылды

Коронавирус инфекциясының тіркелуіне байланысты Алматы облысы бойынша блокпосттар мен санитарпосттарда карантин шараларын атқару ісіне облыстық ветеринария басқармасының қарамағындағы 16 бірлік залалсыздандырушы "УАЗ" автокөлігі мен 141 ветеринария станциясының қызметкерлері жұмылдырылды.

Фото: Алматы облысы әкімдігінің баспасөз қызметі

2020 жылдың 21 наурызынан бері 86 424 автокөлік залалсыздандырылды.

Талғар ауданында 3 УАЗ дезинфекциялау автокөлігімен 21 маман қызмет етіп жатыр. 21 наурыздан бастап 7 сәуірге дейін жиыны 14 208 автокөлік залалсыздандырылды.

Іле ауданында 6 УАЗ дезинфекциялау автокөлігімен 56 маман қызмет көрсетіп жатыр. 21 наурыздан бастап 7 сәуірге дейін жиыны 29 711 автокөлікке дезинфекция жасалды.

Қарасай ауданында 4 УАЗ дезинфекциялау автокөлігімен 26 маман қызмет етіп жатыр. 21 наурыздан бастап 7 сәуірге дейін барлығы 39 266 автокөлік залалсыздандырылды.

Жамбыл ауданында 2 наурыздан 7 сәуірге дейін 638 автокөлікке дезинфекция жасалды. Мұнда бір УАЗ дезинфекциялау автокөлігімен 4 маман қызмет көрсетеді.

Қаратал ауданында осы уақыт аралығынан бері бір УАЗ дезинфекциялау автокөлігімен 7 маман қызмет етіп жатыр. Жиыны 826 автокөлік залалсыздандырылды.

Кербұлақ ауданында 6 маман қызмет көрсетеді. 2 наурыздан 7 сәуірге дейін портатив дезинфекция қондырғылары арқылы 800 автокөлік залалсыздандырылды.

Панфилов ауданында бір УАЗ дезинфекциялау автокөлігімен 12 маман қызмет атқарып жатыр. 2 наурыздан 7 сәуірге дейін барлығы 975 автокөлікке дезинфекция жасалды.

Сонымен қатар аудандар мен қалаларда осы күнге дейін жалпы алаңы 130 958 шаршы метрге залалсыздандыру жұмыстары жүргізілді. Оның ішінде: мемлекеттік мекемелердің ғимараттарына — 55 411 шаршы метр, аялдамалар — 9 734 шаршы метр, базарлар — 19 178 шаршы метр, автотұрақтар — 5 100 шаршы метр, ойын алаңдары — 10 635 шаршы метр, аллеялар — 6 510 шаршы метр, тротуарлар — 12 185 шаршы метр, саябақтар — 4 035 шаршы метр, теміржол станция перондарында — 6 000 шаршы метр, ауыл округтерінде — 2 170 шаршы метр.

Exit mobile version