Ведомствоның баспасөз қызметінің хабарлауынша, Қытай елшісіне мұндай сипаттағы мақаланың жариялануы 2019 жылғы 11 қыркүйекте Мемлекет басшылары қол қойған Қазақстан мен Қытай Халық Республикасының бірлескен мәлімдемесіндегі мәңгілік жан-жақты стратегиялық әріптестік рухына сай келмейтіні айтылды.
Тараптар ақпарат тарату және БАҚ саласында тығыз өзара ықпалдасуға келісті. Сонымен бірге Қазақстанның Бейжіңдегі елшілігі ҚХР Сыртқы істер министрлігіне тиісті нота жолдады, — деп хабарлады ҚР СІМ баспасөз қызметі.
Ақпарат құралдарының хабарлауынша, аталған мақалада автор «Қазір Қазақстан әлімсақтан Қытайға тиесілі болған аумақты иеленіп отыр» деген ой айтқан.