Облыстық денсаулық сақтау басқармасының мәліметінше, науқас 5 сәуірден бері Көкшетау теміржол ауруханасының провизоры бар стационарында карантинде болған. 9 сәуірде Ақмола облыстық туберкулезге қарсы диспансерге емдеуге жатқызылды. Жағдайы өте ауыр болған, өкпені жасанды желдету аппаратына қосылған.
Марқұмның диагнозы: «ауыр дәрежедегі екіжақты жаппай пневмония, вирус этиологиясының жіті ағымы». Сонымен бірге ол артерия гипертензиясымен, өкпенің созылмалы обструктив ауруымен, жүректің ишемия ауруымен ауырған.
2 сәуірде Ақмола облысындағы қарттар үйінде тұратын 73 жастағы ер адам қайтыс болған еді. 6 сәуірде онымен қарым-қатынаста болған 91 жастағы әйел адам қайтыс болды. Мекемеде коронавирус барлығы 36 адамнан табылған.
Ақмола облысында коронавирустан төрт адам қайтыс болып отыр.