«Қазгидромет» кәсіпорны мамандарының хабарлауынша, Қазақстан аумағы арқылы Атлантиканың кезекті циклоны өтеді. Ол найзағай мен жаңбырға себеп болады. Дүйсенбіге қарай оңтүстік пен оңтүстік-шығыстың кей жерінде бұршақ жауады, күшті жел соғып, жаңбыр толассыз жауады.
Республиканың басқа да өңірлерінде тұман түсіп, жел күшейеді.
Сенбіде Қазақстанның көп бөлігінде ауқымды антициклон әсерінен күн жауын-шашынсыз болады, Қостанай, Қарағанды, Ақмола, Солтүстік Қазақстан, Шығыс Қазақстан облыстарында тұман түседі. Оңтүстік пен оңтүстік-шығыста ғана Оңтүстік циклонының әсерінен күн күркіреп, жаңбыр жауады, жел күшейеді.
Алматы облысында кей жерде тұман түседі, жел екпіні секундына 15-20 метрге дейін күшейеді. Түркістан, Жамбыл облыстарының кей жерінде екпіні секундына 15-20 метрге жететін жел соғады. Жамбыл облысында күн күркірейді.
Жауын-шашын мен қар жамылғысының тұрақсыздығынан Кіші Алматы өзені алабында қар көшуі мүмкін. Есіл суының деңгейі көтеріледі.