Республика өңірлерінде бүгін тұман түседі, көктайғақ болады, жел күшейеді, боран соғады.
«Қазгидромет» мамандарының болжамына қарағанда Шығыс Қазақстан облысында тұман түседі, көктайғақ болады, боран соғады, жел екпіні секундына 15-20 метрге дейін, Жарма ауданында секундына 25 метрге дейін күшейеді. Ақмола облысында тұман түседі, көктайғақ болады, боран соғады, жел екпіні секундына 15-20 метрге жетеді. Алматы, Түркістан, Қызылорда, Маңғыстау, Атырау, Ақтөбе облыстарында тұман түседі, көктайғақ болады, Алматы облысында Алакөл көлі ауданында жел екпіні секундына 17-22 метрге дейін күшейеді. Солтүстік Қазақстан, Павлодар облыстарында тұман түседі, боран соғады, Солтүстік Қазақстан облысында күндіз жел екпіні секундына 15-20 метрге дейін күшейеді. Қарағанды, Жамбыл облыстарында тұман түседі, көктайғақ болады, жаяу бұрқасын соғады, Жамбыл облысында түнде жел екпіні секундына 15-20 метрге жетеді. Батыс Қазақстан, Қостанай облыстарында тұман түседі.
Түркістан және Қызылорда облыстарында тұман мен көктайғаққа, Шымкентте тұманға байланысты ескерту жарияланды.